وجبات طفلي

السلام عليكم ورحمة الله وبركاته

الى كل ام اقول لكم الله يحفظ لكم اولادكم وربي يخليكم لهم

والى كل محرومه اساال الله العزييز ان يرزق كل محرومه بالذريه عاجلا غير اجل

بسم الله الرحمن الرحيم



اول مادخل ولدي الشهر الخامس

بديت اعطيه زبادي و سريلاك

ملعقه او ملعقتين لين مادخل الشهر السادس

بديت اعطيه وجبه فاليوم

طبعا كنت جاهله بهالموضوع وماكان في احد يعلمني

وكنت اعطيه اككل غير مفيد :-(

السريلاك ابدا ماشفت منه فايده

كان ولدي نحيف وخاصه انه كثير الحركه ربي يحفظه لين ماصحيت ع نفسي وبديت ابحث فالنت عن اكلات للاطفال

وتركت السريلاك وقررت ادخل اكل صحي :up:

ولما بديت هالنظام كان عمر ولدي سننه )-<

ما اطول عليكم نبدا بالوجبات الصحيه باذن الله



:f::f::f:





الشوفآن بالتمر

شوفان كويكر العادي مطحون < ملعقه او ملعقتين كبيره

قطعة تمر معبوط او معجون

نضع ماء في قدر ونضع الشوفان المطحون ونحركه ونولع النار هاديه

ونقطع التمر قطع صغيره

وبسس

مدة الطبخ من 10دقائق الى 15 دقيقه

او الى ان يذوب التمر





البطاطس بالحليب



نسلق بطاطس

ونحطها بالخلاط مع حليب الطفل او حليب البقر كامل الدسم ( بعد عمر السنه طبعاا (





التفاح بالتمر



نسلق تفاحهه

وقطع تمر

وبعد ماتجهز بالخلاط







شوربة خضار

بطاطس + كوسه + جزر + بصل + ثوم وتقدري تضيفي الخضار اللي تبيهاا



نكشن البصل والثوم

ونضع الخضار

نطبخهاا لين تصير تليين الخضار

وبالخلاطط نخلطهاا



شوربة عدس

عدس + بطاطس + جزر

نطبخ الخضار والعدس سووا

واذا جهز نخلطها بالخلاط



البطاطس والجزر بالجبن

جزر + بطاطس + حبتين كيري

نضع ماء بالقدر ع نار هاديه ونضع جبن الكيري نحرك شوي

بهالاثنااء نقطع البطاطس والجزر مكعبات

ونضع البطاطس والجزر

ونتركها تطبخ الى ان تنضج وممكن نضيف شوية ملح عشان يتقبلها الطفل

وبالخلاطط اذا نضجت



الرز بالدجاج

نسلق رز مع شوية ملح

ونكون مجهزين صدر دجاج مسلوق

نضع الدجاج بالقطاعه اليدويه او بالخلاط ونقطعها عشان تتقطع قطع صغيره

وبعد كذا نضعها ع الرز وبالعافيه ع البيبي

بالنسبه لكل هالوصفات انا قد اعطيتها طفلي من عمر 7شهور

يعني ممكن تصلح من عمر 7شهور وكل طفل امه تعرف وش يصلح له


وبكذا انتهيت ولله الحمدلله واعتذر ان الموضوع غير مرفق بالصور

ماحطيت هالموضوع الا ابي يستفيدون الامهات

تمنياتي لكم بحياه سعيده وصحيه <3<3

ونصيحتي لكم الله الله بالاكل الصحي لاطفالكم يابنات

اي وحده عندها وجبات للاطفال لاتبخل علينا :-(:B:

سبحان الله و بحمده سبحان الله العظيم




الموضوع الأساسي: وجبات طفلي

المصدر: منتديات عروس

via منتديات عروس http://ift.tt/1CF9wxJ