لقد تحقق حلمي بفضل ذلك

السلام عليكم بنات اشتقتلكو كتير كتير الله بعلم بس صرلي زمان مفتش على عروس بس هياني رجعت ولله الحمد رح اليوم احكي عن قصتي العجيبه الكل بعرف هون قدي ادايقت وقدي مرقت علي ايمات عصيبه ومؤلمه اطلقت وتعزبت كتير كتير بس يلا عسى ان تكرهو شيئا لعله خير بعد مطلقت بشهرين الحمدالله ربنا رزقني بشغل وصرت اشتغل بعدين بعدت عن الدين لاني كنت اشتغل بسعات طويله ومتعبه ومكنتش اصلي شيلي بعدين صارت معي مشكله بس ربنا بعلم فيها مشكله الحمدالله تبت عنها بعدين مرق العيد الفطر وبطلت شغل وقعدت بلبيت تالمت تعزبت ليل نهار اعيط. ليل نهار وحده بلعربي موتت بعدين سجدت لربي وقررت اتوب ومن يومها سرت اقرا سوره البقره والواقعه ويس واستغفار الاف المرات والصلاه على النبي الف مره ولاذكار الحمدالله بطلت اقطعهن ....كان حلمي ربنا يستر علي ويرزقني ابن حلال اجاني واحد مطلق وعندو ولد بس طبعا بعدو بحب مرتو ومش على دين تركتو. اليوم الحمدالله اجاني عريس عزابي ولله الحمد وانا كتير مبسوطه بنصحكو تقراوهن وكل املي ربنا يغفرلي وذنوبي وعريسي ملتزم جدا وعدت ربي رح اكون انسانه ملتزمه كتير كتير باذن الله وماعصيش ربي

الموضوع الأساسي: لقد تحقق حلمي بفضل ذلك
المصدر: منتديات عروس

via منتديات عروس http://ift.tt/1FSYane