افضل ماسكات رووعه تفتيح ونضاره صارو من اساسيات عنايتي

سلام

بصراحه ترردت واجد قبل لاكتب الموضوع

كنت اتابع المنتدى من خلف الكواليس لاكن لكثره حبي للمنتدى الي استفدت منه الكثير اليوم قررت اسجل فيه واسوي عضويه

الموووهيم ماطول بالحكي ....راح اكتب اهم الماسكات الي استفدت منها كثير

الماسك 1:ماسك السدر المكون من ملعقتين سدر +معلقه نيدو اعمله كقناع 3مرات ف الاسبوع لمده نص ساعه



فوائد ماسك السدر كالاتي:

1يساعد قناع السدر في شد البشرة وتنشيط الدورة الدموية بها.

2يغذي البشرة بالعناصر التي تحتاجها لتظل نضرة ورائعة.

3يساعد في تفتيح البشرة ويعالج البقع الغامقة التي تظهر على البشرة نتيجة التعرض لأشعة الشمس.

4يعمل على تنظيف البشرة من الدهون التي تمنع دخول الهواء إلى مسام البشرة.





الماسك الثاني تقريبا من اختراعاتي بس نتائجه خراااافيه روووعه مكوناته من:

امعلقه صغيره ترمس +معلقه صغيره حلبه +معلقه صغيره سفيداب الايراني +معلقه صغيره دم الاخوين مثل دم الغزال مسحوق احمر يساعد ع تصفيه الوجه وتوريده +معلقه صغيره ليمون اما الي بشرتهم حساسه يضعون قطرات من اليمون +معلقه كبيره زبادي محمض يعني منتهيه صلاحيته ولو ماكان متوفر عندى احط زبادي عادي...2في الاسبوع احطه لمده من 15الي20 واذا غسلته ارطب بشرتي بزيت اللوزالمر





الماسك 3:ماسك الحنه البيضا يصفي الوجه ونضااره للبشره



مكوناته معلقه وسط حنه بيضا مع معلقه زبادي وقطرات من الليمون اضععه لمده 15دقيقه الى20 مرتين بالاسبوع





الماسك 4:بصراحه هذا الماسك منقوووووووووول من مزيونه وشقره وراح اكتب كلامها الان



<

عندي لكم خلطه تبيييض تصفي وتوحد اللون



انا بصراحه صارلي فتره استخدم خلطه بسيطه لبشرتي وبصراااحه روووعه وتجنن والكل يسالني شنو مسويه لبشرتي ويقولون صايره بيضه وويهج صافي



وقالولي صايره فدعه ومحلوه



ما ابي اطول عليكم بس الخلطه هي :



بطاطه واحده + م ك حليب بودر + م متوسطه نشاء



الطريقه اغلي البطاطه عدل وبعدين قشريها وقطعيها وحطيها بالخلاط وضيفي عليها الحليب والنشاء واذا بشرتك دهنيه حيييل حطي معاها ملعقه ليمون وخلطيها عدل .



وبعدين تطلع لك مثل خليط الكيك الثقييل اخذيه وحطيه على بشرتك ويفضل انه يكون دافي شوي



وطريقتي >>> اغسل ويهي بماي دافي واعمل تقشير خفيف للبشره واتاكد انا البشره مافيها اي زيوت او دهن او كريم لانها بتمنع فايده الخلطه ووصولها للبشره



وبعد هذا احط الخلطه على ويهي ورقبتي وصدري لحد ما تنشف ومو اقل من نص ساعه



وبعد الخلطه لاتغسلين ويهج بصابون بماي بس ويكون فاتر اشوي



وبالاخير رشي ماي ورد وادعيلي <<<<<



احطها من 2الى 3مرات ف الاسبوع ع حسب فضاوتي والدراسه ونتايجه روووووووووووووووووووووعه



بصراحه هذا مو كل شي بس تعبت ان شاء الله بعد راح انزل مواضيع ثانيه عن خلطات تفتيح ومقشرات للجسم روووووووووووعه راح اكمل بعدين

وهالماسكات الي كتبتهن هذولا هم الموهمين وماستغني عنهم ابد بصراااحه تفتيح ونضاره وبشره ولا اروع والتصبغات الي ف وجهي تقريبا اختفوا



يلا ع خير ودعواتكم ان الله يحقق لي الي ف بالي



الموضوع الأساسي: افضل ماسكات رووعه تفتيح ونضاره صارو من اساسيات عنايتي

المصدر: منتديات عروس

via منتديات عروس http://ift.tt/1J4vwCB