تجهيز شنطة مكياج العروس لشهر العسل

السلام عليكم ورحمه الله وبركاته
يسعد الله أيــآآمكم بكل خير وبركه وطـــآعه الله تعالى

مــن زمــــآآن أنـــآآ عن المنتدى وقسمي .. ركن عروس .. راجعه اليووم بموضووع مبسط للعرايس اللي يتجهزون .. الموضوع نزلته من كم يوم على مدونتي لان لابي مدري شو صار فيه :f: فـ نزلته على مدونتي واليوم قلت قبل مــآ ادرس انزل الموضوع في المنتدى

قبل مــآ ابدي موضوعي ادعولي عندي امتحـــآن فاينل <3 الله يوفقني ويوفق جميع الطلبه <3:F

الحينه بخليكم مع الموضوع


" تجهيز شنطه مكياج العروس لشهر العسل "

في هالموضوووع انا بس بعطيكم رايي .. وفكره للعروس اللي محتاره كيف تجهز شنطه المكياج ..
في البدايه ..
في شهر العسل في رايي وأحب ان العروس تكووون طبيعية بمكياج لوك طبيعي وهادي .. لان في هالشهر .. كل واحد بيكشف طبيعه الثاني والحياه اللي بيقدمو عليه .. بعيد عن المكياج الأوفر .. وكل شي نشله معانا سوى نحتاجه او لا ونأخذ مكااان فالشنطه .. لاشياء مالها داعي ..
خلي من ضمن تجهيزاتج للعرس انج تشترين مثل هالشنطه .. للمكياج .. هذا الشنط عمليه وحلوه سوى للسفر او حتى يمكن تستخدمينه وتخلين فيه مكياجج اليومي عشان ما يتغبر ومجمعه كل شي في مكان واحد .... حاولت ادور شنط غير ما حصلت .. بس هذا قريب اشتريلج ٢ او ٣ للسفر لانج بتحتاجينه .. واحد خليه للمكياج والثاني خليه لاغراضج الشخصيه

واخذي معاج من المكياج .. وعشان لوكج يكوون طبيعي .. هالأشياء

• بي بي كريم .. آخذي اي بي بي كريم انتي مرتاحه عليه .. واللي يناسبج ويناسب بشرتج والدرجه اللي يناسبج

• مسكره

• اي لاينر .. اذا ما تُحبين تستخدمينه مب لازم تاخذينه ..

• كحل اسود وكحل ازرق .. عشان التغيير

• بلاشر .. آخذي المشمشي عشان اللوك يكون طبيعي واخذي معاج البلاشر الوردي .. ولكم الحريه اللي تبون تأخذونه بس انا أبدي رايي لا غير

• كونسيلر

• اي شادو .. بالالوان الهاديه واللي يعطيج لوك طبيعي

• فاونديشن .. هم من باب الاحتياط لان بي بي كريم يفي بالغرض ...

• روج .. واخذي الدرجه اللي يكون فيه اللوك طبيعي واخذي لج كم درجه لتغير اللوك اذا حابه هالشي

• ومرطب الشفايف .. طبعا يستخدم قبل الروج لترطيب الشفايف .

ولا تنسي الفرش اللي ممكن تحتاجينه

• فرشاة الاي شادو

• فرشاة ل بي بي كريم

• فرشاة للبلاشر

• فرشاة الكونسيلر

ولا تنسي مناديل لازاله المكياج

ومزيل المكياج

اتمنى وفقت في طرح هالموضوع البسيط للعريس :f:

تم التجميع بواسطة ~~ bent aldyra ~~

وهمسه لهواه النقل
ما اسمح باخذ جهدي بدون ذكر المصدر

استودعتكم الله الذي لا تضيع ودائعه

فمان الله

ولا تنسونــآآ من دعواتكم <3

انتهى ...




الموضوع الأساسي: تجهيز شنطة مكياج العروس لشهر العسل
المصدر: منتديات عروس

via منتديات عروس http://ift.tt/1G6b2dc