طاجن الفريك باللحمه اللذيذ

السلام عليكم ورحمة الله وبركاته



انهارده جايبلكو غدوه حلوه عملتها بعد ماعرفت فوايد الفريك الكتير منها المحافظه على الوزن وكمان بيعالج النظر او مفيد للعين :perfect:



المهم اليكم الغدوه طاجن الفريك باللحمه



المقادير : كوب كبير فريك - مقدار لحم حوالى اربع قطع - عصير طماطم - بصلتين مقطعين شرايح - توابل لحمه - ملح فلفل - جوزة الطيب (التوابل اللى نحبها )

الطريــقه :

بنحط البصل على النار مع مكعبين زبده

وبعد كدا بعد لما البصله تتحمر نضيفلها اللحمه والبهارات ماعدا الملح ونسيبهم يشوحو شويه

لحد لما يوصولو للشكل دا

وبعد كدا نضيف عصير الطماطم مباشرة ونسيبها تسبك من غير اضافة ماء وبعد التسبيك نضيف الماء والملح لتكمله التسويه

ومنسبهاش تستوى على الاخر عشان تكمل سواها مع الفريك فى الفرن

وهنا بعد ماحطينا الفريك وعليه اللحمه والمرقه

والطاجن هنا مستعد للدخول فى الفرن

نغلفه بالفويل وندخله الرفن لحد تمام الاستواء هياخد حوالى نص ساعه وبعد كدا نفتحله الشوايه



وهنا لما الطاجن خرج من الفرن وزينته بالبندق والزبيب المحمص

لذيذ مش كدا :up:



ودا طبق الغدا اللى اكلته هم

اتمنى ان موضوعى انهارده يحوز على اعجابكو :-^

فى رعاية الله:B:

الموضوع الأساسي: طاجن الفريك باللحمه اللذيذ

المصدر: منتديات عروس

via منتديات عروس http://ift.tt/1tNQ3C0