skin brightening facial mask قناع لنضاره واشراق الوجه

هلو عروسات اشلونكم شخباركم صار لي فتره صج مانزلت شي اهنيه بس اكيد اغيب واغيب وجيت ويديني مو فاضيه جيت ومعاي ماسك للبشره اقل مايقال عنه روعه ومن مجهودي الشخصي من فينا ماتحلم بشره نضره وصحيه وخاليه من العيوب وخاصه لما تكون عندها مناسبه قريبه بوست اليوم عن بعض الماسكات اللي صار لي فتره طويله استخدمها والنتيجه بشره صافيه ومتالقه والسبب مو بس يرجع للماسكات يرجع لكثره شرب الماي واكل الفواكه والخضروات بكثره

الماسك الاول مفيد جدا وخاصه للي يشتكون من مشاكل البشره وبشرتهم مو متوحده هذا بيفيدهم مع الاستخدام المتكرر بيلقون نتيجه مع نظام غذائي صحي ونظام عنايه وتصير بشرتهم ولا اروع

2 ملعقتين كبار بودره برتقال مطحونه

كيف نسويه ناخذ قشر البرتقال القشره الخارجيه لاترمونها بليز حافظوا عليها لانها سر من اسرار جمال البشره ونقدر نستخدمها ياما بها الطريقه ونخليه يجف بالشمس ويصير يابس وبعدين نطحنه ونحطه بحافظه قشور البرتقال المجففه مفيده جدا جدا لنظاره وصفاء البشر هاو ناخذ القشور ونغليها مع ماي لين يتغير لون الماي ونخليه يبرد ونصفيه ونحطه ببخاخ ونخليه بالثلاجه حلو للبشره وخاصه للي يعانون من المسامات

ملعقه كبيره عسل

ملعقه كبيره زبادي

كبسوله فيتامين أي موجوده بالصيدليات ناخذه وبالابره نثقبها

نخلط هذي المكونات مع بعض قبل لانحط الماسك نغسل البشره بالغسول المناسب لها ونحط الماسك على الوجه والرقبه من دون ملامسه منطقه العين ونخليه ربع ساعه لين يجف ونغسل الوجه بماء فاتر وبعدها ماي ورد بارد ونرطب البشره بالمرطب المناسب لكل نوع بشره يستخدم مرتين بالاسبوع



فوائد الماسك

العسل مفيد جدا للبشره عامل مضاد للجراثيم ومرطب للبشره ويقلل من علامات الشيخوخه

الزبادي يرطب البشره وينعمها ويقلل من مسام الوجه ويعطي الوجه ملمس ناعم

قشور البرتقال

قشرة فاكهة البرتقال غنية بفيتامين سي المقاوم للبرد والمفيد لنعومة البشرة وحيويتها ومع الاستخدام يبيض البشره من مضادات الأكسدة القوية موجوده بكميات هائله في القشره اكثر من العصير كما انها تحتوى على الفلافونويد بشكل رئيسي وتعمل على تقليل مستوى الكوليستيرول في الدم بشكل كبير .

فيتامين أي الفيتامين"E" هو فيتامين يذوب في الدهون، وهو من المواد المضادة للتأكسد، وبالتالي يساعد على حماية خلايا الجسم من الأضرار الذي يتعرض لها كل يوم مثل الحرارة، الشمس، التدخين، التلوث... ولذا، فهو يساهم في المحافظة على صحّة البشرة.





اتمنى يعجبكم الماسك وتجربونه لانه وايد وايد روعه وجدا مفيد للبشره ونتايجه مبهره

:f:




الموضوع الأساسي: skin brightening facial mask قناع لنضاره واشراق الوجه

المصدر: منتديات عروس

via منتديات عروس http://forums.3roos.com/3roos710791/